Մարդատար գնացքներ են բախվել Չեխիայի հարավում. կան վիրավորներ
Մարդատար երկու գնացքներ են մայիսի 3-ին բախվել Չեխիայի Չեսկե Կրումով բնակավայրի մերձակայքում: Այդ մասին լրագրողներին հայտնել է հանրապետության փրկության ծառայության ներկայացուցիչ Իվա Մատեուն:
«Չեսկե Կրումովի մերձակայքում մարդատար երկու գնացքների բախումը տեղի է ունեցել միջին եվրոպական ժամանակով ժամը մոտավորապես 09:00-ին (Երեւանի ժամանակով ժամը 11:00-ին),-նշել է նա:-Նախնական տվյալների համաձայն, կան վիրավորներ:
Վնասվածքներ են ստացել առնվազն յոթ հոգ»: Տարածաշրջանային երկու մարդատար գնացքներում եղել է 50 ուղեւոր: Արտակարգ պատահարի վայրում աշխատում են փրկարարներ, հրշեջներ եւ շտապ բուժօգնության աշխատակիցներ: Երկաթուղու այն հատվածում, որտեղ տեղի է ունեցել բախումը, երթեւեկությունը ժամանակավորապես դադարեցված է հաղորդել է ՏԱՍՍ-ը:
