Լևանդովսկին հայտարարել է, որ «Ռեալ» տեղափոխվելու ցանկություն չունի
«Բավարիայի» հարձակվող Ռոբերտ Լևանդովսկին մտադիր չէ հեռանալ իր ներկայիս ակումբից: Ընթացիկ մրցաշրջանի ընթացքում ԶԼՄ-ները բազմիցս գրել են մյունխենցիների հարձակվողի նկատմամբ «Ռեալի» հետաքրքրության մասին:
Հաղորդվում է նաև, որ Ռոբերտն ինքը ցանկանում է տեղափոխվել Արքայական ակումբ և նույնիսկ փոխել է գործակալին, որպեսզի հասնի այդ նպատակին:
Այնուամենայնիվ, իր վերջին հարցազրույցում Լևանդովսկին հերքել է տվյալ շշուկները:
«Դիտարկո՞ւմ եմ արդյոք «Ռեալ» տեղափոխվելու հնարավորությունը: Ոչ, բացարձակապես ոչ»,- ասել է Ռոբերտ Լևանդովսկին Polskie Radio-ն: Ավելի վաղ հաղորդվել էր, որ Ռոբերտի նկատմամբ հետաքրքրություն է ցուցաբերում ՊՍԺ-ն:
Պատրաստեց Անի Գաբուզյանը
