Արամ Հարությունյանի անծայրածիր ունեցվածքը. «Փաստ»
«Փաստ» թերթը գրում է. «Ազգային ժողովի պատգամավոր Արամ Հարությունյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր 2017 թ. տարեկան հայտարարագիրը:
Հայտարարագրի համաձայն՝ Հարությունյանը նախորդ տարի թվով 13 անշարժ գույք է ձեռք բերել, որից 12-ը հողամաս, իսկ մեկը՝ հասարակական նշանակության շինություն: Շինությունը գնվել է 150 հազար դրամով, իսկ հողամասերի գները տատանվել են 50 հազարից մինչև 15 միլիոն դրամի սահմաններում: Ընդհանուր առմամբ, անշարժ գույք գնելու վրա ծախսվել է 16 միլիոն 110 հազար դրամ:
Նախորդ տարի 40 միլիոն դրամով գնել է նաև «MERCEDES–BENZ S500L 4 MATIC» մակնիշի ավտոմեքենա, դրամական միջոցները կազմել են 1178 դրամ, 1 միլիոն 531 հազար դոլար ու 4202 եվրո: Եկամուտները կազմել են 206 միլիոն 859 հազար դրամ, որից 4 միլիոն 53 հազար դրամը աշխատավարձն է, 166 միլիոն 469 հազար դրամը շահաբաժին, 2 միլիոն 700 հազար դրամը տրված փոխառությունների դիմաց ստացված տոկոս, իսկ 33 միլիոն 635 հազար դրամն էլ՝ տրված փոխառությունների՝ վարկերի դիմաց ստացված տոկոս»:
Ամբողջությամբ կարող եք կարդալ թերթի այսօրվա համարում:
