Դատարանը որոշեց Ռուսաստանում արգելափակել Telegram-ը
Մոսկվայի Տագանսկի դատարանը բավարարել է «Ռոսկոմնադզորի» պահանջը եւ Ռուսաստանում արգելափակել է մուտքը Telegram մեսենջեր Անվտանգության դաշնային ծառայությանն օգտատերերի հաղորդագրությունների վերծանման համար բանալիները չտրամադրելու պատճառով:
Այդ մասին ՏԱՍՍ-ի թղթակիցը հայտնել է դատարանի դահլիճից: «Դատարանը որոշեց բավարարել «Ռոսկոմնադզորի» պահանջը»,- վճիռը հրապարակել է դատավոր Յուլյա Սմոլինան:
Telegram մուտքի սահմանափակումները կգործեն մինչեւ Անվտանգության դաշնային ծառայությանը բանալիների տրամադրումը՝ նամակագրությունների վերծանման համար: «Դատարանի վճիռը ենթակա է անհապաղ կատարման»,- հայտնել է դատավորը:
