Պրոթեզ՝ բալետի պարուհու համար. ինչպես ոտքից զրկված աղջիկը օգնեց 500 հաշմանդամ երեխաների
Պոլիաննա Հոուփը մանուկ հասակում կորցրել է ոտքը ավտովթարի հետեւանքով: Բայց նա սիրում է պարել, եւ նրա օգնությամբ հարյուրավոր երեխաներ հնարավորություն են ստացել օգտվելու պրոթեզներից, որոնք նրանց թույլ են տալիս զբաղվել սպորտով, տեղեկացնում է BBC-ին:
Պոլիաննայի մայրը՝ Սառան, կազմակերպել է արշավ, համոզելով Մեծ Բրիտանիայի կառավարությանը՝ 1,5 մլն սթեռլինգ հատկացնելու հատուկ մանկական պրոթեզների պատրաստմանը, որպեսզի նրանք զբաղվեն վազքով, լողով ու պարերով:
