Վթար Աբովյան-Նոր Հաճն ավտոճանապարհին. վարորդը և ուղևորը հոսպիտալացվել են
Մարտի 3-ին, ժամը 16:13-ին ահազանգ է ստացվել, որ Երևան-Սևան ավտոճանապարհի 20-րդ կիլոմետրին տեղի է ունեցել ՃՏՊ, ավտոմեքենայում կա արգելափակված քաղաքացի. անհրաժեշտ է փրկարարների օգնությունը:
Դեպքի վայր է մեկնել Հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:
Պարզվել է, որ Աբովյան-Նոր Հաճն ավտոճանապարհի 3-րդ կիլոմետրին բախվել են «Mercedes» մակնիշի 35 MD 236 (վարորդ՝ 1984 թ. ծնված Զ. Ա.) և «ՎԱԶ-2106» մակնիշի 35 FO 936 (վարորդ՝ 1989 թ. ծնված Ա. Ա.) պետհամարանիշերով ավտոմեքենաները. «ՎԱԶ-2106» մակնիշի ավտոմեքենայի վարորդը և ուղևորը հոսպիտալացվել են Աբովյանի ԲԿ:
Կտրվի լրացուցիչ տեղեկություն:
