Սաստիկ ձնատեղումը արգելափակել է ավտոճանապարհները Խորվաթիայում
Սաստիկ ձնատեղումը եւ քամու ուժգին պոռթկումները Խորվաթիայում արգելափակել են ավտոճանապարհները: Այդ մասին հայտնել է Associated Press-ը:
Փակ է Ադրիատիկի ափի երկարությամբ ձգվող հիմնական ճանապարհի մի հատվածը: Գործակալության տվյալներով՝ առավել ծանր վիճակ է ստեղծվել երկրի հյուսիսարեւմտյան շրջանում՝ Գորսկի-Կոտարում, որի տարածքը ծածկված է ոչ բարձր լեռներով: Ձնակույտերի հավաքման աշխատանքում ներգրավված են երկրի բանակի ներկայացուցիչները:
Խորվաթիայի մի շարք դպրոցներում չեղարկվել են պարապմունքները: Նաեւ խափանումներ են դիտվում երկաթուղային տրանսպորտի երթեւեկության մեջ, հաղորդել է «Ինտերֆաքս» գործակալությունը:
