Մեյի Չինաստան այցի ընթացքում առևտրատնտեսական համաձայնագրերի փաթեթ է ստորագրվել
Չինաստանի եւ Մեծ Բրիտանիայի մի քանի գերատեսչությունների եւ առեւտրային կազմակերպությունների ներկայացուցիչները հունվարի 31-ին ստորագրել են համաձայնագրերի փաթեթ առեւտրի, տնտեսության եւ ներդրումների բնագավառում, ինչպես նաեւ մշակութային-հումանիտար ոլորտում:
Համաձայնությունների կնքման արարողությունը կայացել է Պեկինի Ժողովրդական ժողովների տանը՝ ՉԺՀ-ի Պետխորհրդի վարչապետ Լի Կեցյանի եւ Մեծ Բրիտանիայի վարչապետ Թերեզա Մեյի ներկայությամբ։
Թերեզա Մեյը հունվարի 31-ին ՉԺՀ-ի Պետխորհրդի վարչապետի հրավերով պաշտոնական այցով ժամանել է Պեկին: Այդ ուղեւորության գլխավոր խնդիրը գործընկերային ռազմավարական հարաբերությունների հաստատումն է տնտեսության ոլորտում, Չինաստանի հետ առեւտրական շփումների ամրապնդումը, պայմանների ստեղծումը Չինաստանի շուկա բրիտանական ընկերությունների դուրս գալու համար: Մեյի հետ մեկտեղ ժամանել է Մեծ Բրիտանիայի ձեռնարկիչների պատվիրակություն, հաղորդել է ՏԱՍՍ-ը:
