«Եթե քեզ պետք է հարձակվող, ապա դա ես եմ». Ուսեին Բոլտը՝ Դեյվիդ Բեքհեմին
«Մայամին» «Մանչեսթեր Յունայթեդը» չէ, բայց դա էլ կանցնի: Հունվարի 29-ին MLS-ը հայտարարեց, որ 2020 թվականից Լիգայում կհայտնվի Դեյվիդ Բեքհեմի «Մայամի» թիմը: Այդ կապակցությամբ MLS-ը հոլովակ է պատրաստել սպորտի և շոու-բիզնեսի աստղերի տեսաուղերձներով՝ հասցեագրված Բեքհեմին:
Աստղերի մեծ մասը, ինչպիսիք են, օրինակ՝ Նեյմարը, Սերենա Ուիլյամսը և Վլադիմիր Կլիչկոն, սահմանափակվել են ստանդարտ շնորհավորանքներով և հաջողություն մաղթելով, և միայն պատմության մեջ աշխարհի ամենաարագ մարդը՝ Ուսեին Բոլտը, խոսել է ըստ էության.
«Միայն լուրջ. եթե քեզ հարձակվող է պետք, ապա դա ես եմ: Եթե քեզ պետք են խփված գոլեր, ապա քեզ պետք եմ ես: Ես քեզ հետ եմ»: Բոլտը բազմիցս ցանկություն է հայտնել տեղափոխվել ֆուտբոլ և նույնիսկ բանակցություններ է վարել «Մանչեսթեր Յունայթեդի» և Դորտմունդի «Բորուսիայի» հետ:
Some special friends share their well-wishes for Major League Soccer's newest franchise. #FutbolMiamiMLS https://t.co/BR5TyO5L07
— Major League Soccer (@MLS) January 29, 2018
Պատրաստեց Անի Գաբուզյանը
