«Ուզում եմ, որ Նեյմարը վերադառնա Իսպանիա: Պարտադիր չէ՝ իր նախկին ակումբ». Լա լիգայի նախագահ
Լա լիգայի նախագահ Խավիեր Տեբասը նշել է, որ շատ է ցանկանում, որ ՊՍԺ-ի ֆուտբոլիստ Նեյմարը վերադառնա Իսպանիա և խաղա Լա լիգայում:
«Ուզում եմ, որ Նեյմարը վերադառնա Իսպանիա: Պարտադիր չէ՝ իր նախկին ակումբ:
Իսպանիայում պետք է լինեն միայն ուժեղագույնները, Նեյմարը նրանց թվում է»,- նշել է Տեբասը:
Հիշեցնենք, որ նախորդ տարի, երբ Նեյմարը պատրաստվում էր տեղափոխվել ՊՍԺ, Տեբասը նշում էր, որ չի տեսնում ոչ մի խնդիր, եթե չեն խախտվում ֆեյր-փլեյի կանոնները:
Իսպանական լրատվամիջոցները նշում են, որ Տեբասը ցանկանում էր, որպեսզի Նեյմարը հեռանա կատալոնական ակումբից, քանի որ ոչ լավ հարաբերություններ ունի ակումբի ղեկավարության հետ:
Բացի այդ, նշվում է, որ Տեբասի այս խոսքերն ապացուցում են, որ Նեյմարը բանակցություններ է վարում «Ռեալ Մադրիդի» հետ:
Սիրարփի Աղաբաբյան
