««Բավարիան» պլան «Բ» չունի». Ուլի Հյոնես
«Բավարիայի» նախագահ Ուլի Հյոնեսը հասկացրել է, որ մյունխենցիները հույս ունեն երկարաձգել պայմանագիրը գլխավոր մարզիչ Յուպ Հայնկեսի հետ: Գործող պայմանագիրը նախատեսված է մինչև ընթացիկ մրցաշրջանի ավարտը:
«Մենք փորձում ենք հասկացնել նրան, որ նրա առաքելությունը «Բավարիայում» չի ավարտվել: Յուպը պետք է օգնի իրականացնել սերնդափոխություն թիմում: Ես հույս ունեմ համոզել նրան մնալ ևս մեկ տարի: Պլան «Բ» մենք չունենք»,- Հյոնեսին է մեջբերում Sport Bild-ը:
2017թ. հոկտեմբերի 6-ին 72-ամյա Հայնկեսը վերսկսեց կարիերան՝ նորից գլխավորելով «Բավարիան»:
Պատրաստեց Անի Գաբուզյանը
