«Առաջին խաղակեսում «Արսենալը» չափազանց հարգալից էր վերաբերվում «Չելսիին»». Արսեն Վենգեր
«Արսենալի» գլխավոր մարզիչ Արսեն Վենգերը մեկնաբանել է իր թիմի հաղթանակը «Չելսիի» նկատմամբ (2:1), որը թույլ տվեց «զինագործներին» դուրս գալ Անգլիական լիգայի գավաթի եզրափակիչ:
«Առաջին խաղակեսում մենք չափազանց հարգալից էինք «Չելսիի» նկատմամբ և ազատ տարածքներ էինք տալիս, ինչի համար էլ վճարեցինք: Մենք ճիշտ դիրքեր չէինք գրավում դաշտում, բայց կարողացանք փոխել իրավիճակը երկրորդ խաղակեսում և վերցրեցինք խաղը մեր հսկողության տակ: Մենք գիտեինք, որ կարող ենք ավելի լավ խաղալ երկրորդ խաղակեսում, և այդպես էլ արեցինք: Առաջին խաղակեսում մենք նայում էինք, թե ինչպես է «Չելսին» ֆուտբոլ խաղում, ընդմիջումից հետո սկսեցինք ավելի կոշտ գործել:
Մենք ժամանակ ունենք եզրափակչին պատրաստվելու համար և մենք ուրախ ենք, որ խաղալու ենք «Ուեմբլիում»: Մենք եղել ենք այնտեղ մի քանի անգամ և ուրախ ենք նորից այնտեղ գնալու համար»,- ասել է Վենգերը Sky Sports-ի եթերում:
Պատրաստեց Անի Գաբուզյանը
