«Դժվար է ասել՝ ով ավելի շահեց «Մանչեսթեր Յունայթեդի» և «Արսենալի» միջև կայացած գործարքից». Ռայան Գիգզ
«Մանչեսթեր Յունայթեդի» նախկին կիսապաշտպան Ռայան Գիգզը մեկնաբանել է «Կարմիր սատանաների» և «զինագործների» միջև ֆուտբոլիստների փոխանակումը:
«Սանչեսին ստորագրելն ինձ հիշեցնում է Ռոբին վան Պերսիի տրանսֆերը «Մանչեսթեր Յունայթեդ» այն իմաստով, որ երկուսն էլ ակումբ տեղափոխվեցին գերաստղի կարգավիճակով, և մենք արդեն կարող ենք տեսնել այդ տեղափոխության օգուտը: Նայեք, թե որքան ավելի լավ է սկսել խաղալ Մարսիալը: Թոփ-ֆուտբոլիստների տեղափոխությունը կարող է բարձրացնել նրանց նոր ակումբակիցների խաղի մակարդակը, դրա համար Մոուրինիոյին դժվար կլինի ընտրություն կատարել:
Հնարավոր է՝ Մխիթարյանի մոտ ամեն ինչ ստացվի «Արսենալում», հնարավոր է, որ նա այնտեղ կփայլի: Ես դժվարանում եմ ասել՝ ով է ավելի շատ շահել այս գործարքից»,- Գիգզի խոսքերն է մեջբերում skysports.com-ը:
Պատրաստեց Անի Գաբուզյանը
