Պեկինում կփակեն քաղաքի սահմանագծում գտնվող շուրջ 500 ձեռնարկություններ
Պեկինի իշխանությունները մտադիր են մինչեւ 2018 թվականի վերջը փակել քաղաքի սահմանագծում գտնվող շուրջ 500 ձեռնարկություններ: Այդ մասին հայտնել է Սինհուա գործակալությունը՝ վկայակոչելով տեղական իշխանություններին: Այս պահին հայտնի է, որ կփակվեն մի շարք ֆաբրիկաներ, որոնց արտադրությունը խիստ աղտոտում է շրջակա միջավայրը: Ըստ որում քաղաքի սահմաններից դուրս կբերվեն շուրջ 40 պետական ընկերություններ եւ մեծածախ շուկաներ:
Պեկինի իշխանությունները վերջին տարիներին ջանում են սահմանափակել մայրաքաղաք բնակչության ներհոսը նահանգներից, մարդիկ Պեկին են գալիս աշխատանք գտնելու ակնկալիքով: Մինչեւ 2020 թվականը մայրաքաղաքի իշխանությունները մտադիր են կատարել Պեկինի բնակչության թվակազմը 23 միլիոնով սահմանափակելու պլանը եւ ապագայում չգերազանցել այդ նշաձողը, հաղորդել է ՌԻԱ Նովոստին:
