Շուշիի կերպարվեստի թանգարան այցելողների թիվն աճել է
2017 թվականին Շուշիի կերպարվեստի թանգարան է այցելել 3773 այցելու, որից 438-ը արտերկրից:
Այս մասին «Արցախպրես»-ի թղթակցի հետ զրույցում ասել է Շուշիի կերպարվեստի թանգարանի տնօրեն Լուսինե Գասպարյանը՝ նշելով, որ 2016 թվականի համեմատ այն աճել է 839-ով: Նրա խոսքով՝ թանգարանի հիմնական այցելուները ՌԴ-ից, ԱՄՆ-ից, Ֆրանսիայից, Իրանի Իսլամական Հանրապետությունից են:
«Թանգարանում 2017 թվականին իրականացվել են տարաբնույթ միջոցառումներ` ցուցահանդեսներ, կրթական ծրագրեր, ինտելեկտուալ խաղեր, դասախոսություններ, քննարկումներ, համերգներ: Այդ միջոցառումների հիմքում ընկած են մշակութային ժառանգության պահպանման, հանրահռչակման ու արդիականացման, գեղագիտական ճաշակի ձևավորման, Շուշիի պատմությանն ու երկրաբանությանը ծանոթացնելու խնդիրները»,-մանրամասնել է թանգարանի տնօրենը:
