Կոմպոզիտոր Վլադիմիր Շայինսկուն հողին հանձնեցին Մոսկվայի Տրոեկուրովսկոյե գերեզմանատանը
Կոմպոզիտոր Վլադիմիր Շայինսկուն հունվարի 22-ին հողին են հանձնել Մոսկվայի Տրոեկուրովսկոյե գերեզմանատանը: Այդ մասին ՏԱՍՍ-ին հայտնել է կոմպոզիտորի որդին՝ Վյաչեսլավ Շայինսկին: Վլադիմիր Շայինսկին կյանքի 93-րդ տարում մահացել է 2017 թվականի դեկտեմբերի 25-ին Սան Դիեգոյում (ԱՄՆ):
Հուղարկավորության արարողությանը ներկա են եղել Շայինսկու ամենամերձավորները՝ կինը, զավակներն ու ընկերները: Այսօր ավելի վաղ Մոսկվայի կոմպոզիտորների տանը կայացել է Շայինսկու քաղաքացիական հոգեհանգիստը:
