Կիմ Չեն Ընը ձգտելու է ազգի բոլոր խնդիրները լուծել միայն կորեացիների ուժերով
ԿԺԴՀ-ի գերագույն ղեկավար Կիմ Չեն Ընը հանդես է եկել կորեացիների՝ որպես ազգի բոլոր խնդիրները բացառապես Կորեական թերակղզու հյուսիսային եւ հարավային մասերի բնակիչների համատեղ ջանքերով լուծելու օգտին՝ առանց միջնորդության եւ արտաքին որեւէ ուժի միջամտության:
Այդ մասին հայտնել է Կորեայի կենտրոնական հեռագրական գործակալությունը: «Մենք ապագայում էլ բարձր ենք պահելու ազգային ինքնուրույնության դրոշը եւ բոլոր խնդիրները լուծելու ենք մեր ժողովրդի ուժերով»,-հայտարարել է պետության ղեկավարը:
Նա ընդգծել է, որ Փենյանը ձգտելու է կորեացիների համախմբմանը՝ կասեցնելով բոլոր նրանց փորձերը, ովքեր հանդես են գալիս միասնական Կորեայի կազմավորման դեմ: «Մենք պետք է գլխավորենք ազգային միավորման նոր պատմական գործընթացները»,-ընդգծել է Կիմ Չեն Ընը, հաղորդել է ՏԱՍՍ-ը:
