Պտուղ, որը զարմացնում է իր օգտակար հատկություններով
Սպիտակ թութը հայտնի է ոչ միայն իր քաղցրությամբ ու համով, այլև օգտակար հատկություններով։ Fithacker.ru-ն գրում է, որ թութը նյութեր է պարունակում, որոնք առաջնային նշանակություն ունեն օրգանիզմի համար, այդ թվում՝ օրգանական թթուներ, վիտամին C, սննդային մանրաթելեր, բետա-կարոտին և պեկտին։ Այս միրգը նաև հակաօսքիդանտներ է պարունակում, որոնք ևս օգտակար են։
Սպիտակ թութը կարող է օգնել պայքարել մի շարք խնդիրների դեմ, ինչպիսիք են հազը, բորբոքումը, գլխացավը, դիարեան, տոնզիլիտը։ Բացի այդ՝ այս մրգի պարբերական օգտագործումը կարող է նվազեցնել սիրտ-անոթային հիվանդությունների առաջացման, արյան մեջ խոլեստերինի մակարդակի բարձրացման հավանականությունը։
Վերջերս Տեխասի համալսարանի գիտնականների կողմից անցկացված հետազոտությունները պնդում են, որ այս միրգը ֆենոլ է պարունակում։ Ըստ նրանց՝ այս միրգը կարող է օգնել նվազեցնել արյան մեջ խոլեստերինի մակարդակը։ Դրա պարբերական օգտագործումը կարող է օգնել նաև պայքարել ճարպակալման, բարձր ճնշման և ռեսպիրատոր հիվանդությունների դեմ։
Սպիտակ թութով թեյ
Այս մրգով թեյը բավական հեշտ է պատրաստել։ Այն հնարավորություն կտա օրգանիզմը հագեցնել մի շարք օգտակար նյութերով։
Պատրաստման եղանակը
- Ջուրը եռացրեք, լցրեք բաժակի մեջ։
- 1 թեյի գդալ թութն ավելացրեք ջրին։
- Թողեք 8-10 րոպե։
- Կարող եք օգտագործեք թեյը։
Բացի օգտակար լինելը՝ թթի թեյը նաև շատ համեղ է։
Նյութը հրապարակման պատրաստեց 168.am-ը
