Հարրի Փոթերի երկրպագուները ֆիլմ են թողարկել Վոլան դե Մորթի երիտասարդության մասին
Tryangle Films անկախ կինոստուդիան ցանցում զետեղել է Հարրի Փոթերի աշխարհի մասին երկրպագուների ֆիլմի ամբողջական տարբերակը: Հիսունրոպեանոց ժապավենը հրապարակված է YouTube-ում։
Կինոնկարը, որը նկարահանվել է օրիգինալ ֆրանշիզայի երկրպագուների նվիրատվություններով, արդեն դիտել են ավելի քան չորս միլիոն անգամ:
Voldemort: Origins of the Heir («Վոլան դե Մորթ. ժառանգորդի արմատները») ժապավենը պատմում է ֆրանշիզայի գլխավոր անտագոնիստի՝ սեւ կախարդ Վոլան դե Մորթի նախապատմությունը: Ըստ սյուժեի, Գոդրիք Գրիֆինդորի ժառանորդուհին՝ Հրիշա Մաքլագենը, հետաքննում է հարուստ կախարդուհու՝ Հեֆզիբա Սմիթի սպանությունը: Մաքլագենը հանցագործության կատարման մեջ կասկածում է Թոմ Ռեդլին՝ «Հոգվարթս» հմայության դպրոցի շրջանավարտին:
