Նորվեգական ավիաընկերության ինքնատիպ գովազդը (ֆոտո)
Norwegian ավիաընկերությունը հետաքրքիր ձև է գտել չվերթերը գովազդելու համար՝ օգտագործելով երկրի ազգային դրոշը։
Ավիաընկերության մարքեթոլոգները Նորվեգիայի դրոշի վրա առանձնացրել են տարբեր երկրների դրոշներ, և գնացուցակը ներկայացրել ըստ այդ երկրների քաղաքների։
Օրինակ, նորվեգական դրոշի վերևի հատվածում հնարավոր է առանձնացնել Ֆրանսիայի դրոշը (ուղղահայաց կապույտ, սպիտակ, կարմիր): Այդտեղ նշված է դեպի Փարիզ տոմսի գինը՝ 299 եվրո։
Նույնքան արժե նաև Ամստերդամի տոմսը (Նիդերլանդների դրոշի հատվածում):
Ավիաընկերության մարքեթոլոգները Նորվեգայի դրոշի վրա «տեղավորել են» նաև Լեհաստանի, Ֆինլանդիայի և Թայլանդի մինի-դրոշները և նշել, համապատասխանաբար, դեպի Կրակով, Հելսինկի և Բանգկոկ չվերթերի գները։
