Իսրայելական բանակի հետ բախումներում ներգրավված են ավելի քան 3 հազար պաղեստինցի
Հորդանան գետի արևմտյան ափի և Գազայի սահմանային հատվածում իսրայելական բանակի հետ բախումներին և անկարգություններին մասնակցում է 3 հազար 700 պաղեստինցի: Ինչպես տեղեկացնում է «ՌԻԱ Նովոստի»-ն, բախումների հետևանքով 6 մարդ ստացել է մարմնական վնասվածքներ:
Արևմտյան ափում իսրայելական բանակի հետ բախումներում ներգրավված են 1700, իսկ Գազայի սահմանային հատվածում` ավելի քան 2 հազար պաղեստինցի:
Ցուցարարները վառել են անվադողեր և զինվորականների ուղղությամբ նետել ճայթուցիկներ և քարեր:
Արևմտյան ափում իսրայելական բանակը ու սահմանապահները օգտագործել են զանգվածային ցույցերը ցրելու հատուկ միջոցներ: Բանակը նաև կրակ է բացել անկարգություն հրահրողների ուղղությամբ:
Լուսանկարը` AFP
