Սաակաշվիլին Լուցենկոյին դատի է տվել
Վրաստանի նախկին նախագահ և Օդեսայի նախկին նահանգապետ Միխեիլ Սաակաշվիլին, ով Ուկրաինայի իշխանությունների կողմից ձերբակալվել է հեղաշրջում կազմակերպելու մեղադրանքով, Ուկրաինայի գլխավոր դատախազ Յուրի Լուցենկոյի դեմ դատարան հայց է ներկայացրել:
Սաակաշվիլիի փաստաբանն ասել է, որ գլխավոր դատախազը նախաքննական նյութերը հրապարակելու իրավունք չուներ:
Նշվում է, որ Սաակաշվիլիի պաշտպանը պայքարելու է նրա վերջնական ազատման համար: Ավելի վաղ երկրի գլխավոր դատախազությունը ձայնագրություն է հրապարակել, հավանաբար գործարար Սերգեյ Կուրչենկոյի և Սաակաշվիլիի հեռախոսազրույցը, որում վերջիններս համագործակցության պայմանավորվածություն են ձեռք բերում:
Լուցենկոն հայտնել է, որ Սաակաշվիլիի կիևյան ակցիաները ֆինանսավորվում են Ուկրաինայի նախկին նախագահ Վկիտոր Յանուկովիչի շրջապատի՝ մասնավորապես գործարար Կուրչենկոյի կողմից և իշխանության տապալման նպատակ ունեն: Սաակաշվիլին այս մեղադրանքները կեղծ է որակել:
