6-րդ գումարման խորհրդարանի առաջին նստաշրջանը «ծանր» էր
ԱԺ «Ելք» խմբակցության պատգամավոր Էդմոն Մարուքյանի գնահատմամբ՝ 6-րդ գումարման խորհրդարանի առաջին նստաշրջանը «ծանր» էր:
«Մենք ընդունել ենք բազմաթիվ օրենքներ: Նստաշրջանն ավարտել ենք, սակայն դեռ ունենք արտահերթ նիստեր, որոնց ընթացքում էլ ընդունելու ենք օրենքներ, որոնք միատված են օրենսդրությունը նոր Սահմանադրությանը համապատասխանեցնելուն: Գիտեք, որ ավարտված նստաշրջանի ընթացքում Ազգային ժողովն ընդունել է նաև 2018 թ. պետական բյուջեի նախագիծը»,- ասաց Մարուքյանը:
Միաժամանակ նա դրական է գնահատում 6-րդ գումարման խորհրդարանի առաջին նստաշրջանի ընթացքում «Ելք» խմբակցության աշխատանքը: Նա նշեց, որ իրենք ակտիվ մասնակցել են բոլոր նախագծերի քննարկմանը և խորհրդարանական դիվանագիտության աշխատանքներին:
