Վանաձոր քաղաքի «Տարոն-4» թաղամասում գտնվող գործարանի տարածքում տնակներ են այրվել
Նոյեմբերի 25-ին, ժամը 11:31-ին ահազանգ է ստացվել, որ Լոռու մարզի Վանաձոր քաղաքի «Տարոն-4» թաղամասում գտնվող գործարանի տարածքում տնակներ են այրվում:
Դեպքի վայր են մեկնել երկու մարտական հաշվարկ և մարզային փրկարարական վարչության օպերատիվ խումբը:
Պարզվել է, որ այրվում է Բազում գյուղի Ջերմոցներ փողոցի թիվ 9/5 հասցեում գտնվող ջրաքիսաբուծական ֆերմայի (սեփականատեր՝ Ի. Գ.) տարածքում տեղակայված ոչ բնակելի երկու տնակ:
Հրդեհը մեկուսացվել է ժամը 12:04-ին, մարվել՝ 13:06-ին:
Այրվել են մեկ տնակը՝ ամբողջությամբ (18 քմ), իսկ մյուսը՝ մասնակի:
