Մակրոնն առաջարկում է փոփոխություններ կատարել Իրանի հետ միջուկային համաձայնագրում
2015-ին ստորագրված Իրանական ﬕջուկային համաձայնագիրն անհրաժեշտ է պահպանել, սակայն ներկա պայմաններում այդ փաստաթուղթը պահանջում է մի շարք փոփոխություններ: Ինչպես փոխանցում է «Ռիա նովոստի»-ն, այդ մասին Դուբայում տեղի ունեցած ասուլիսում հայտարարել է Ֆրանսիայի նախագահ Էմանուել Մակրոնը:
«Մենք պետք է պահպանենք 2015 թվականի միջուկային համաձայնագիրը, քանի որ դրանից դուրս գալու որոշումը կամ կբերի անհապաղ պատերազմի, կամ վերահսկողության լիակատար բացակայության, կնմանվի Հյուսիսային Կորեայի հետ առկա վիճակին»,- ասել է Ֆրանսիայի նախագահը:
Միաժամանակ, Մակրոնը գտնում է, որ 2015-ի համաձայնագիրը դադարել է լինել սպառիչ և անհրաժեշտ է այն լրացնել նոր դրույթներով:
