Լավրովը և Զարիֆը քննարկել են Սիրիայի իրադրությունը
Ռուսաստանի արտաքին գործերի նախարար Սերգեյ Լավրովը Իրանի իր պաշտոնակից Մոհամադ Ջավադ Զարիֆի հետ կայացած հեռախոսազրույցի ընթացքում քննարկել է Սիրիայի իրադրությունը, ինչպես նաեւ Կասպից ծովում համագործակցության հարցերը: Այդ մասին ասված է ՌԴ ԱԳ նախարարության հաղորդագրության մեջ:
«Քննարկվել են միջազգային ասպարեզում երկկողմ փոխգործակցության հրատապ հարցերը սույն թվականի նոյեմբերի 1-ին Թեհրան ՌԴ նախագահ Վլադիմիր Պուտինի աշխատանքային այցի արդյունքների լույսով: Մասնավորապես, նախարարները կարծիքներ են փոխանակել սիրիական կարգավորման իրադրության, ինչպես նաեւ Կասպից ծովում համագործակցության խնդիրների շուրջ»,-ասված է նոյեմբերի 7-ին տարածված հաղորդագրության մեջ:
Հատուկ ուշադրություն է դարձվել տարբեր մակարդակներով առաջիկա շփումների ժամանակացույցին, հավելել են նախարարությունում, հաղորդել է ՌԻԱ Նովոստին:
