«Վաշինգտոնը չի ձգտում ուժ կիրառել Փենյանի դեմ». Թրամփ
Վաշինգտոնը չի ձգտում ԿԺԴՀ-ի հրթիռամիջուկային խնդիրը լուծել ուժի կիրառմամբ: Այդ մասին հայտարարել է ԱՄՆ-ի նախագահ Դոնալդ Թրամփը՝ հանդես գալով Հարավային Կորեայի ղեկավար Մուն Չժե Ինի հետ համատեղ անցկացված մամուլի ասուլիսում:
ԱՄՆ-ի ղեկավարն ընդգծել է, թե, չնայած այն բանին, որ Փենյանի հրթիռամիջուկային փորձարկումները լուրջ սպառնալիք են ներկայացնում ամբողջ աշխարհի համար, Վաշինգտոնը «չի ձգտում խնդիրը լուծել ռազմական ճանապարհով»: Թրամփը նշել է, որ հարցի դիվանագիտական լուծումն ավելի նախընտրելի կլիներ»:
Իր հերթին Մուն Չժե Ինն ընդգծել է, որ այժմ ժամանակն է ուշադրությունը կենտրոնացնելու Հյուսիսային Կորեայի նկատմամբ ճնշման ու պատժամիջոցների վրա, դրանով իսկ նրան ստիպելու բանակցություններ սկսել միջուկային սպառազինություններից հրաժարվելու շուրջ, հաղորդել է ՏԱՍՍ-ը:
