«Ձևը վերցնում ենք, բովանդակությունն աղավաղում ենք». ԿԳ նախարարը՝ ավագ դպրոցների չկայանալու մասին
«Ոնց հասկանում եմ՝ բոլորը դժգոհ են այդ ավագ դպրոցներից, մենք պարտադրվա՞ծ ենք ավագ դպրոց ունենալ, որտեղ ոչ ոք չի գնում դպրոց»,- այսօր Ազգային ժողովում 2018 թվականի պետական բյուջեի նախագծի քննարկման ժամանակ ՀՀ կրթության և գիտության նախաևաև Լևոն Մկրտչյանին հարցրեց «Ծառուկյան» խմբակցության պատգամավոր Վարդան Բոստանջյանը:
Ի պատասխան՝ Լ. Մկրտչյանն ասաց, որ ավագ դպրոցը «High School»-ն է, որ աշխարհի տարբեր երկրներում կան. «Եթե տվյալ երկիրն իրեն համարում է կրթական երկիր, պետք է ունենա «High School»-ի գաղափարը: Ավագ դպրոցը հնարավորություն է տալիս երեխաների այն հատվածին, որոնք պատրաստվում են ստանալ բարձրագույն կրթություն, ստանալու որոշ կրեդիտներ, որը նրանց 4 տարվա բակալավրիատը կարող է իջեցնել 3 տարվա, և ավագ դպրոցի պարտադիր պայմանը հոսքային դասարանն է: Ինչպես մեզ մոտ շատ հաճախ լինում է, ձևը վերցնում ենք, բովանդակությունն աղավաղում ենք:
Մենք այդ ավագ դպրոցների ձևը վերցրեցինք, ասացին՝ հոսքային և այլն, հետո տվեցինք շենքային ամենավատ պայմաններ ունեցող դպրոցները, հետո դարձրեցինք 80 հազար աշակերտ ունեցող դպրոց, որը ենթակա չէ հոսքայինի, հետո կրեդիտ հասկացողությունը մոռացանք ու արդյունքում՝ ստացանք այս վիճակը: Իհարկե, ավագ դպրոցն անհրաժեշտ է, բայց պետք է որակական լուրջ փոփոխություններ լինեն»:
