Բաժիններ՝

Ում են պատկանում ՀՀ ֆինանսական համակարգի ակտիվները (գծապատկերներ)

2017 թվականի առաջին կիսամյակի ընթացքում տնտեսական աճի տեմպի արագացման և արտաքին հատվածից ստացվող եկամուտների կայունացման հեռանկարների ներքո ֆինանսական համակարգի մասնակիցները պահպանել են ֆինանսական միջնորդության ծավալների ու շրջանակների ընդլայնման ռազմավարությունը: Ֆինանսական համակարգի ակտիվների ու ՀՆԱ-ի և վարկերի ու ՀՆԱ-ի հարաբերակցության ցուցանիշները կիսամյակի վերջին կազմել են համապատասխանաբար 89.0% և 50.0%: Այս մասին նշվում է 2017 թվականի առաջին կիսամյակի ֆինանսական կայունության հաշվետվությունում։

Ֆինանսական համակարգի խոշորագույն մասը ներկայացնում է բանկային համակարգը, որին բաժին է ընկնում ֆինանսական համակարգի ընդհանուր ակտիվների 87.3%-ը:

Ֆինանսական համակարգի ակտիվների 9.2%-ը բաժին է ընկնում վարկային կազմակերպություններին, 1%-ը՝ ապահովագրական ընկերություններին, 1.4%-ը՝ ներդրումային ընկերություններին։

Ինչպես տեսնում եք ստորև բերված գծապատկերում, 2012-2016թթ. ակտիվների միջին տարեկան աճը ամենաբարձր եղել է վարկային կազմակերպությունների գծով (մոխրագույն դաշտ)։ Իսկ 2017 թվականի առաջին կիսամյակի ընթացքում ամենից շատ աճել են ներդրումային ընկերությունների ակտիվները։

Բաժիններ՝

Տեսանյութեր

Լրահոս