Սիրիական բանակն ազատագրել է Դեյր Զորը
Սիրիական բանակը եւ դաշնակից ուժերը վերականգնել են լիակատար վերահսկողությունը Դեյր Զորի նկատմամբ: Այդ մասին ՌԻԱ Նովոստիին հայտնել է սիրիական մի զինվորական աղբյուր:
Նոյեմբերի 3-ին կառավարական ուժերը քաղաքում ոչնչացրել են «Իսլամական պետության» վերջին պատվարը:
Նախօրյակին մարտեր էին մղվում Ալ Ռաշիդիայի, Ալ Արդիի շրջաններում եւ Ալ Բաժն, Աբու Ադեդ թաղամասերում, որտեղ զինյալները դեռ դիմադրություն էին ցույց տալիս: Ինչպես նշել է Ռուսաստանի արտաքին գործերի նախարարությունը, Սիրիայում ԻՊ-ի դեմ գործողությունը մոտենում է ավարտին:
