Հռոմի Ֆրանցիսկոս պապը խոստովանել է, որ աղոթքի ժամանակ երբեմն ննջում է
Հռոմի Ֆրանցիսկոս պապը հոկտեմբերի 31-ին խոստովանել է, որ աղոթքի ժամանակ երբեմն ննջում է։ Այս մասին 80-ամյա քահանայապետը հայտնել է Իտալիայի TV2000 կաթոլիկական հեռուստաալիքին տված հարցազրույցի ժամանակ։
«Ես մի քանի անգամ ննջել եմ աղոթքի ժամանակ: Նույն բանն է տեղի ունեցել նաեւ լիզյոցի սուրբ Թերեզայի հետ. նա ասում էր, թե Տերը սիրում է, երբ ինքը ննջում է»,- պատմել է Հռոմի կաթոլիկ եկեղեցու հովվապետը: Նա նշել է, որ իր համար դա «Աստծու անունը սրբագործելու եւ նրա ձեռքերում քեզ երեխա զգալու բազմաթիվ եղանակներից մեկն է», հաղորդել է ՏԱՍՍ-ը:
