Առնվազն 13 մարդ է զոհվել Քաբուլում իրականացված պայթյունից
Առնվազն 13 մարդ է զոհվել, եւս 13 հոգի վերքեր են ստացել հոկտեմբերի 31-ին Աֆղանստանի մայրաքաղաք Քաբուլում իրականացված պայթյունի հետեւանքով: Այդ մասին հայտնել է TOLO News հեռուստաալիքը Twitter-ի իր էջում:
Ըստ նրա տեղեկատվության՝ մահապարտ ահաբեկիչն իրեն պայթեցրել է Քաբուլի Վազիր-Աքբար-Խան դիվանագիտական թաղամասում: Ինչպես նշում է հեռուստաալիքը, զոհերի եւ տուժածների մեծամասնությունը պետական ծառայողներ են: Ներկայում թաղամասը շրջապատված է անվտանգության ուժերի կողմից, հաղորդել է ՏԱՍՍ-ը:
