««Ռեալում» են աշխարհի լավագույն մարզիչը և Դի Ստեֆանոյի հետնորդը». Ֆլորենտինո Պերես
«Ռեալի» նախագահ Ֆլորենտինո Պերեսը հայտարարել է, որ ակումբը վերապրում է պատմության մեջ իր ամենահաջող շրջաններից մեկը:
«Ֆուտբոլիստները նորից փոխեցին պատմությունը՝ հաղթելով Չեմպիոնների լիգան երկու անգամ անընդմեջ: «Ռեալն» ապրում է իր ոսկե դարաշրջանը: Մեզ մոտ են լավագույն մարզիչը՝ ի դեմս Զինեդին Զիդանի, Դի Ստեֆանոյի հետնորդ Կրիշտիանու Ռոնալդուն, մեծագույն ավագ Սերխիո Ռամոսը, և լավագույն ֆուտբոլիստները՝ յուրաքանչյուր դիրքում: Հաղթանակը Քարդիֆում լավագույնն էր Չեմպիոնների լիգայի պատմության մեջ:
Հենց այդ գավաթն է փոխանցում անհավանական ամբիցիաներ՝ ակումբի մի սերնդից մյուսին: «Ռեալի» բոլոր ֆուտբոլիստները և մարզիչները գիտեն, որ իրենք Չեմպիոնների լիգան հաղթելու պարտավորություն ունեն»,- ասել է Պերեսը:
Պատրաստեց Անի Գաբուզյանը
