Պիկեն, Ռամոսը և Բուսկետսը սպառնում են հեռանալ հավաքականից

Իսպանիայի ազգային հավաքականի ֆուտբոլիստներ Սերխիո Ռամոսը, Ժերար Պիկեն և Սերխիո Բուսկետսը սպառնում են հեռանալ ազգային հավաքականից, հայտնում է Marca-ն:

Ֆուտբոլիստները պատրաստ են գնալ այդ քայլին, եթե ֆուտբոլի ֆեդերացիայի նախագահ Խուան Լարեան պաշտոնից հեռացնի հավաքականի մարկետինգի բաժնի տնօրեն Մարիա Խոսե Կլարամունտային: Ֆուտբոլիստները միշտ աջակցել են վերջինիս, իսկ Ռամոսը անգամ Իտալիայի հետ խաղից հետո նշել է, որ չի ցանկանում Կլարամունտայի հեռացումը:

Ֆուտբոլիստների և ֆեդերացիայի նախագահի միջև լուրջ հակասություն է առաջացել, ինչից հետո ֆուտբոլիստները անգամ թույլ չեն տվել ֆեդերացիայի նախագահի մուտքը հանդերձարան:

Սիրարփի Աղաբաբյան