CNN-ը անօդաչուից ցուցադրել է ԻՊ-ի մայրաքաղաքի ավերակները
CNN հեռուստաալիքը տեսանյութ է հրապարակել «Իսլամական պետություն» ահաբեկչական խմբավորման ավերված մայրաքաղաքից՝ սիրիական Ռաքա քաղաքից: Հոլովակը զետեղված է հեռուստաալիքի կայքում։
CNN-ի լրագրողը կարողացել է քաղաքում հայտնվել Սիրիայի դեմոկրատական ուժերի (ՍԴՈւ)՝ քրդական եւ արաբական զինված կազմավորումների միության հետ միասին: Ռաքայի մի մասն արդեն ազատագրված է ջիհադիստներից, սակայն նկարահանումներն այնտեղ դեռեւս վտանգավոր են: ՍԴՈւ-ի գնահատումներով՝ քաղաքից առաջվա պես չի կարողանում դուրս պրծնել մոտավորապես 20 հազար մարդ: Ազատարարներին դիմակայող զինյալների թիվը կարող է հասնել մեկուկես հազարի:
Հավելենք, որ քաղաքի գրոհը շարունակվում է հունիս ամսից: Դրա գրավումը համարվում է ԱՄՆ-ի գլխավորած միջազգային հակաահաբեկչական կոալիցիայի գլխավոր նպատակներից մեկը, որը ծայրահեղականների դեմ մարտական գործողություններ է վարում Իրաքում եւ Սիրիայում:
