Ներկայացվել է YouTube-ի նոր ինտերֆեյսը
YouTube տեսահոսթինգի ղեկավարները ներկայացրել են ծառայության նորացված ինտերֆեյսը, ինչպես նաեւ պատմել են օգտատերերին մատչելի նոր գործառույթների մասին։
YouTube-ը ձեռք է բերել նոր լոգոտիպ, որի մի մասն այլեւս չի առանձնացվում կարմիրով, իսկ լոգոտիպն ինքը հարմարվում է դեվայսի էկրանի չափին, որից կատարվում է տսահոլովակների դիտումը:
Նաեւ այսուհետեւ ծառայության վեբ-տարբերակի օգտատերերի համար մատչելի է դառնում գիշերային ռեժիմը, որը մշակվել է՝ օրվա մութ ժամերին YouTube-ի օգտատերերի աչքերի ծանրաբեռնվածությունը նվազեցնելու համար: Այդ ռեժիմն ակտիվացնելիս կայքի գունային սխեման դառնում է մուգ:
Բացի դրանից, հավելվել են տեսահոլովակների վերարտադրության եւ էկրանի վրա կրկնակի սեղմմամբ դրանց վերափաթաթման արագության փոփոխման գործառույթները:
