«Աջակցեք Պիկեին». Սերխիո Ռամոսը՝ «Սանտյագո Բեռնաբեուի» տրիբունաներին
Մադրիդի «Ռեալի» և Իսպանիայի հավաքականի պաշտպան Սերխի Ռամոսը խնդրել է երկրպագուներին չսուլել կատալոնացի Ժերար Պիկեին և հավաքականի մյուս ֆուտբոլիստներին 2018թ. Աշխարհի առաջնության ընտրական փուլի առանցքային հանդիպման ժամանակ:
«Կարևոր չէ, խոսքը գնում է Պիկեի՞, թե՞ մեկ ուրիշի մասին, դուք պետք է հարգեք ֆուտբոլիստներին, որոնք պաշտպանում են երկրի դրոշը: Իսկ Պիկեն նրանցից մեկն է: Ես խնդրում եմ երկրպագուներին՝ աջակցել մեզ, քանի որ դա համառ և դժվարին հանդիպում է լինելու: Մենք ցանկանում ենք լավ ֆուտբոլ ցուցադրել, լավ խաղ անցկացնել»,- Ռամոսի խոսքերն է մեջբերում AS-ը:
Իսպանիա-Իտալիա հանդիպումը տեղի կունենա սեպտեմբերի 2-ին, Մադրիդում:
Պատրաստեց Անի Գաբուզյանը
