ԿԺԴՀ-ի առաջնորդը պահանջել է ավելացնել հրթիռային շարժիչների և մարտագլխիկների արտադրությունը
ԿԺԴՀ-ի առաջնորդ Կիմ Չեն Ընն անհրաժեշտ է համարում մեծացնել բալիստիկ հրթիռների համար մարտագլխիկների և կարծր վառելիքով աշխատող հրթիռային շարժիչների արտադրությունը: Այդ մասին նա հայտարարել է Ռազմական գիտությունների ազգային ակադեմիային առընթեր քիմիական նյութերի գիտահետազոտական ինստիտուտ կատարած այցելության ժամանակ:
«Գերագույն ղեկավարը հանձնարարել է ինստիտոււտին մեծացնել կարծր վառելիքով աշխատող հրթիռային շարժիչների և բալիստիկ հրթիռների համար մարտագլխիկների թողարկման ծավալը՝ ածխածնային նյութերի օգտագործմամբ»,- նշվում է ՑՏԱԿ գործակալության՝ օգոստոսի 23-ին տարածված հաղորդագրության մեջ:
Կիմ Չեն Ընը նաև ծանոթացել է ինստիտուտում ներդրված արտադրական գործընթացին և բարձր գնահատական տվել նրա աշխատակիցների գործունեությանը, հաղորդել է ՏԱՍՍ-ը:
