Հայտնի է դարձել iPhone 8-ի գլխավոր նորամուծությունը
Անկախ մշակող Սթիվ Թրոութոն Սմիթը (Steve Troughton-Smith) HomePod-ի սյունակի միջադիրում հայտնաբերել է Home վիրտուալ կոճակի աշխատանքի սկզբունքի նկարագրությունը: Այս մասին նա գրել է Twitter-ի իր էջում:
Նրա խոսքով՝ կոճակը կարող է փոխել իր չափը՝ կախված գործարկված հավելվածից, իսկ տեսահոլովակներ դիտելիս այն կկորչի էկրանից: Դրա ձախ եւ աջ կողմերում կլինեն գործառական ստեղնաշարեր: Թրոութոն Սմիթը նաեւ պատմել է, որ օգտատերը եւ մշակողները չեն կարող փոխել վիրտուալ կոճակի գույնը:
iPhone 8-ում Home վիրտուալ կոճակի հայտնվելու մասին առաջիններից մեկը հայտարարել է KGI Securities ընկերության վերլուծաբան Մին Չի Գոն այս տարվա սկզբին: Նրա խոսքով՝ դիսփլեյը կբաժանվի երկու մասի, որոնցից մեկի վրա կգտնվեն Home կոճակը եւ այլ ստեղնաշարեր: Սակայն այս տեղեկատվության հաստատումը հայտնվել է միայն այժմ:
iPhone 8-ը կներկայացվի 2017 թվականի աշնանը՝ Apple-ի ամենամյա շնորհանդեսին: Ըստ լուրերի՝ այն կստանա անշրջանակ դիսփլեյ, որի վերին մասում կլինի ճեղք խոսակցական բարձրախոսի, տվիչների եւ խցիկի համար: Նաեւ համարվում է, որ սարքը կզրկվի մատնադրոշների սքաներով Home կոճակից:
