Լավրովը հեռախոսազրույց է ունեցել Թիլերսոնի հետ
Ռուսաստանի արտաքին գործերի նախարար Սերգեյ Լավրովն ԱՄՆ պետքարտուղար Ռեքս Թիլերսոնի հետ հեռախոսազրույցում քննարկել է ԿԺԴՀ-ի շուրջ իրավիճակը՝ Փհենյանի կողմից վերջին հրթիռի արձակման համատեքստում: Այդ մասին նշված է ՌԴ ԱԳՆ պաշտոնական կայքում տեղադրված տեղեկատվության մեջ:
Զրուցակիցները մտքեր են փոխանակել Կորեական թերակղզում իրավիճակի, մասնավորապես, Փհենյանի կողմից հուլիսի 28-ին արձակված հրթռիռի վերաբերյալ ՄԱԿ-ի արձագանքի մշակման շուրջ: Լավրովը ներգրավված ընդդիմադիր կողմերին զսպվածության և բանակցային գործընթացի արագ վերականգնման կոչ է արել: Քննարկվել են նաև համաշխարհային և տարածաշրջանային խնդիրներին առնչվող ակտուալ այլ հարցեր:
