«Շատ խելացի հայտարարություն են կատարել ընդդիմադիրները». Արմեն Ռուստամյան
«Շատ խելացի հայտարարություն են կատարել ընդդիմադիրները, որովհետև ֆորս մաժորներ միշտ կարող են լինել, այն էլ այս վիճակով»,- այսօր Աժ-ում լրագրողների հետ զրույցում հայտարարեց ՀՅԴ խմբակցության ղեկավար Արմեն Ռուստամյանը` մեկնաբանելով պաշտպանության նախկին նախարար Սեյրան Օհանյանի հայտարարությունը, որ ինքը մնում է քաղաքականության մեջ և ֆորս մաժորներ կարող են լինել:
Ռուստամյանն իշխանափոխությունը չբացառեց. «Ես երբեք ոչինչ չեմ բացառում: Ընդհանրապես ամեն ինչ կարող է լինել, ամռանն էլ կարող է ձյուն գալ»:
«Արտախորհրդարանական ուժերը ցանկության պարագայում կգտնեն ձևերը և կմիավորվեն, դա արդեն իրենց գործն է»,- հավելեց նա:
