Իմամ Խոմեյնիի դամբարանի մոտ իրենց պայթեցրած մահապարտը կին է եղել. տեսանյութ և մանրամասներ
Թեհրանի հարավում իմամ Խոմեյնիի դամբարանի վրա հարձակված խմբի անդամ մահապարտ ահաբեկիչը կին է եղել: Այդ մասին հայտնել է իրանական Mehr գործակալությունը: Նրա տվյալներով՝ կինն իրեն պայթեցրել է դամբարանի արեւմտյան բակում: Հարձակվողներից երկուսը ձերբակալված են: Իր հերթին Fars գործակալությունը նշում Է, որ հարձակվողները չորսն են եղել: Նրանցից երեքը կրակ են բացել մարդկանց վրա, իսկ մահապարտ կինը պայթեցրել է իրեն: Բացի այդ, ԶԼՄ-ների տվյալներով, պատահարի վայրում վնասազերծվել Է մահապարտի եւս մեկ գոտի, հաղորդել է «Ինտերֆաքս»-ը:
