Ղազախստանում ՀՀ դեսպանը հուսով է՝ Աստանա-Երևան չվերթները մշտական բնույթ կունենան
ՀՀ դեսպանությունը վերջին հինգ տարում գործուն քայլեր է ձեռնարկել ԱստանաԵրեւան ուղիղ չվերթի գաղափարը կյանքի կոչելու համար: Այս մասին լրագրողների հետ ճեպազրույցում ասաց Ղազախստանում ՀՀ դեսպան Արա Սահակյանը: «Ես հույս ունեմ, որ չվերթը մշտական բնույթ կունենա»,-ասաց նա:
Դեսպան Սահակյանը հրավիրեց ղազախստանցիներին այցելել Հայաստան և ծանոթանալ երկրի զբոսաշրջային հնարավորություններին: Մայիսի 31-ին կայացավ «ՍԿԱՏ» ավիաընկերության առաջին ուղիղ չվերթը դեպի Երեւան:
Երկու երկրների մայրաքաղաքների միջև հաստատվող ուղիղ չվերթը դրական ներգործություն կունենա երկկողմ հարաբերությունների վրա` հատկապես զբոսաշրջության, փոխայցելությունների, առևտրա-տնտեսական կապերի զարգացման առումով։
