«Ծառուկյան» դաշինքի 3 պատգամավորի լիազորությունները դադարեցվեցին
«Հիմք ընդունելով մայիսի 19-ին պատգամավորներ Խաչիկ Մանուկյանի, Արտյոմ Ծառուկյանի և Հարություն Կարագյոզյանի ՝ հրաժարական տալու մասին դիմումները և առաջնորդվելով ԱԺ կանոնակարգ-օրենքի 154-րդ հոդվածի առաջին մասի 6-րդ կետի պահանջով՝ դադարեցվում են «Ծառուկյան» դաշինքի տարածքային ընտրական ցուցակով ընտրված պատգամավորներ Խաչիկ Մանուկյանի, Արտյոմ Ծառուկյանի և Հարություն Կարագյոզյանի պատգամավորական լիազորությունները»,-այսօր ԱԺ նիստի ժամանակ այս մասին հայտարարեց ԱԺ նախագահ Արա Բաբլոյանը՝ հավելելով, որ պատգամավորական լիազորությունները դադարեցված համարելու մասին արձանագրությունը ԱԺ կանոնակարգ-օրենքի համաձայն ուղարկվել է ԿԸՀ նախագահ Տիգրան Մուկուչյանին։
