Հայրենասիրության գիտակցումը համախմբեց բոլորին և դրա շնորհիվ հաղթանակ տարանք. Աղվան Հովսեփյան
Մայիսյան հերոսամարտերում հաղթանակները հայ ժողովուրդը կերտել է միասնականության շնորհիվ: Այս մասին Ապարանի հուշահամալիրում ասաց ՀՀ քննչական կոմիտեի նախագահ, «Նիգ-Ապարան» հայրենակցական միության պատվավոր նախագահ Աղվան Հովսեփյանը:
«Շուրջ մեկ դար առաջ հենց այստեղ, որտեղ մենք ենք գտնվում, հիմք դրվեց հայոց պետականությանը, որի մասին հայ ժողովուրդը երազել է հազար տարի: Այդ ամենը մենք կերտել ենք շնորհիվ մեր միասնության, մեր պապերի միասնության, շնորհիվ այն գիտակցության, որ չի կարելի թողնել, որ օջախը, հողը արատավորվի: Այդ գիտակցությունը, հայրենասիրության գիտակցումը համախմբեց բոլորին` աշխարհազորայիններին, և շնորհիվ դրա հաղթանակ տարանք հենց այս հողում»,- շեշտեց Աղվան Հովսեփյանը:
«Նիգ-Ապարան» հայրենակցական միությունը մայիսի 28-ին Ապարան քաղաքի «Վերածնունդ» հուշահամալիրում կազմակերպել է տոնակատարություն՝ նվիրված Ապարանի հերոսամարտի 99-ամյակին: Միջոցառումը մեկնարկել է Ապարան քաղաքի Տիգրան Պետրոսյանի անվան հրապարակից դեպի «Վերածնունդ» հուշահամալիր քայլերթո
