Շրի Լանկայում հեղեղման զոհերի թիվը հասել է 146-ի
Շրի Լանկայում հեղեղման հետևանքով զոհերի թիվն ավելացել է՝ հասնելով 146-ի, 112 մարդ համարվում է անհետ կորած: Այս մասին հայտնում է «ՌԻԱ Նովոստի»-ն:
Արհավիրքի հետևանքով շուրջ 500 հազար մարդ ստիպված է եղել լքել սեփական տունը: Շուրջ երկու հազար տուն վնասված է կամ ամբողջությամբ քանդված:
Անձրևները միառժամանակ դադարել են, ինչի շնորհիվ իշխանությունները կարողացել են առաջին անհրաժեշտության ապրանքներ հասցնել մարդկանց, ովքեր կորցրել են ողջ ունեցվածքը:
Շրի Լանկան արդեն դիմել է ՄԱԿ-ին ու Հարավային Ասիայի երկրներին արհավիրքի հետևանքների վերացման նպատակով օգնություն տրամադրելու խնդրանքով:
