«Տոտենհեմի» հարձակվող Հարի Քեյնը երկրպագուների վարկածով ճանաչվեց ԱՊԼ-ի լավագույն ֆուտբոլիստ

Մրցաշրջանի լավագույն ռմբարկուն առաջ անցավ Ն’Գոլո Կանտեից և Էդեն Ազարից:

Քվեարկությունում, որը տեղի էր ունենում Sky Sports-ի կայքում, մասնակցել են 49 հազար մարդ: Քեյնը հավաքել է 16.372 ձայն և առաջ է անցել «Չելսիի» կիսապաշտպան Ն’Գոլո Կանտեից (13.515): Երրորդ տեղը գրավել է Էդեն Ազարը, ում օգտին քվեարկել էր 8412 մարդ:

4-րդ, 5-րդ և 6-րդ տեղերը համապատասխանաբար գրավել են Ալեքսիս Սանչեսը, Դելե Ալին և Ռոմելու Լուկակուն:

Քեյնը դարձավ ԱՊԼ-ի լավագույն ռմբարկուն՝ 30 խաղերում խփելով 29 գոլ:

Transfermarkt-ը Հարի Քեյնին գնահատում է 50 մլն եվրո:

Պատրաստեց Անի Գաբուզյանը