Ֆրանսիայի նախարարը հաստատել է երկրի հատուկ ստորաբաժանումների ներկայությունը Սիրիայում
Ֆրանսիայի զինված ուժերի նոր նախարար Սիլվի Գուլարը հաստատել թ ֆրանսիական հատուկ ուժերի ներկայությունը Սիրիայի տարածքում՝ «Իսլամական պետություն» ահաբեկչական խմբավորման զինյալների դեմ պայքարում որոշակի գործողություններ անցկացնելու նպատակով։
«Մենք ունենք հատուկ ուժեր, որոնք որոշակի գործողություններ են կատարում»,-ասել է նա՝ ելույթ ունենալով Europe1 ռադիոկայանի եթերում: Դրա հետ մեկտեղ նախարարն ընդգծել է, որ Ֆրանսիան ցամաքային գործողություններ իրականացնելու համար խոշոր զորակազմ Սիրիա ուղարկելու պլաններ չունի:
«Ֆրանսիան լիովին կատարում է իր դերը կոալիցիայում: Այնտեղ (Սիրիայում) գտնվում են մեր ինքնաթիռները»,-ասել է Գուլարը: Նա ընդգծել է, որ հանրապետության զինված ուժերի նախարարությունում խնդիրը տեսնում են առկա ուժերն ակտիվացնելու մեջ, հաղորդել է ՏԱՍՍ-ը:
