Իրանը կմիանա նավթային գործարքի երկարացման վերաբերյալ ՕՊԷՔ-ի ցանկացած որոշման
Իրանը կմիանա նավթի հանույթի կրճատման համաձայնագրի երկարացման վերաբերյալ ՕՊԷՔ-ի ցանկացած որոշման: Այդ մասինլրագրողներին ասել է Իրանի նավթի նախարար Բիժան Նամդար Զանգանեն:
«Մենք խնդիր չունենք երկարացման երեք տարբերակներից որեւէ մեկի հետ, լինի դա վեց, ինը կամ 12 ամսով»,-նշել է նա:
Զանգանեն նաեւ հայտնել է, որ Իրանը շահագրգռված է տարածաշրջանից դուրս իր նավթի մատակարարումների դիվերսիֆիկացմամբ:
«Մեր քաղաքականությունն ուղղված է նավթի արտահանման շուկաների դիվերսիֆիկացմանը: Մենք չենք ցանկանում հույսը դնել Ասիայի երկու երեք երկրներում նավթի իրացման վրա, ինչպես դա եղել է նախկինում, այլ ձգտում ենք գնորդների բազմազանության»,-ընդգծել է Զանգանեն՝ մեկնաբանելով ասիական շուկայում Իրանի բաժնի նվազումը եւ նրա բաժնի ավելացումը եվրոպականում:
Զանգանեի կարծիքով՝ բարել նավթի դիմաց 55-60 դոլար գնի մակարդակը օպտիմալ է ՕՊԷՔ-ի համար:
«ՕՊԷՔ-ի բոլոր անդամների համար, ինչպես ես եմ հասկանում, բարելի դիմաց 55, առավելագույնը 60 դոլարի սահմաններում գնի մակարդակն օպտիմալ է ՕՊԷՔ-ի համար»,-ասել է նա, հաղորդել է ՏԱՍՍ-ը։
