Բաժիններ՝

Վրաստանի պատրիարքը չեղարկել է իր գահակալության 40­-ամյակին նվիրված հանդիսությունները

Համայն Վրաստանի կաթողիկոս­պատրիարք Իլյա Երկրորդի գահակալության 40-­ամյակի կապակցությամբ ծրագրված հանդիսավոր միջոցառումները չեղյալ են հայտարարված: Այդ մասին մայիսի 25-­ին հայտնել են պատրիարքարանում:

«Հաշվի առնելով աշխարհում ստեղծված անկայուն իրավիճակը եւ Վրաստանի սոցիալական իրադրությունը, Նորին սրբություն Իլյա Երկրորդի օրհնությամբ չեղարկված են կաթողիկոս­պատրիարքի գահակալության 40-­ամյակի կապակցությամբ հանդիսավոր միջոցառումները եւ ուղղափառ եկեղեցիների ղեկավարների ու մյուս պատվավոր հոգեւոր անձանց հրավիրումը Վրաստան»,-­ասված է հայտարարության մեջ:

Հունվարի 4-­ին լրացել է Վրաստանի պատրիարքի 84-­ամյակը: Նա առողջական վիճակի պատճառով չեղարկել է հանդիսավոր միջոցառումները իր ծննդյան օրվա առթիվ, ինչպես նաեւ չի կարողացել անցյալ տարվա դեկտեմբերի 25-­ին ներկա գտնվել իր գահակալության 39-­րդ տարեդարձին նվիրված պատարագին, որը տեղի է ունեցել Թբիլիսիի Սուրբ Երրորդության մայր տաճարում, հաղորդել է ՌԻԱ Նովոստին:

Բաժիններ՝

Տեսանյութեր

Լրահոս